用xange- -

d fd訂左我個日記

琴日打d野已經比人睇左=.=''

琴晚10點半訓教a.a

1點半同5點半都流過鼻血無教好訓

今日交分通告

唔知點解好似冇見過既=-="

冇印像...

最後問lily姐拎過張

佢話冇..要聽日比我

之後就話"小朋友...以後對自己d野著緊d啦"

...............................

我次次d通告都有個file攝落去架

係果日上上下堂流完鼻血

d野搞到勁趕咁拎書轉班房先搞到d野唔記得哂

不過...人地可能睇成籍口啦

無人會睇原因同過程..只會睇結果係一個事實

phy堂..恰左兩堂

明明聽到miss講左唔係好多野

但好快就過左兩堂

pa...miss冇返...

唉..第1次咁比心機自己做pa功課

佢竟然無返

chem堂...哂時間

lunch食佳寶

食完一樣餓~"~

之後上去做埋bio+hea

chin堂做綜合...

吹得太多= =

要500字我作左一千字比佢

嗌加紙果陣miss對住我講

"800字..800字"(傻笑的miss...)

雖然e個miss教書唔係好好

但都幾可愛既....廿幾歲既"女人"(似細路女多d)

我覺得宜家女性多數冇30都唔會成熟

當然有d例外啦...我班都有些成熟既女生

總好過我家姐既性格

可能身分關係唔同先咁覺得啦

唔知啦...

宜家出圖書館無位啦...屋企溫算

ps:xange已經不再安全

    每打完一篇都即比人睇到

     qooza幾時開返呀=.=?

     呂ho\__/!咪留copy呀!!快d del左佢

      唔想教私隱果d=-=

估唔到3號風球都唔洗返喎

今朝我已經遲左起身

見到手機7:30先彈起身

個人醒哂...之後先知唔洗返

之後打機打左成日

睇完d cm...諗左陣

真係覺得自己好似1d童真都冇

由細到大做出黎既低能野

我記得得1樣

果年係幼稚園高年級

人生入面第1次溝女

係屋企樓下見到個同校車既女仔

佢幾靚女架...乾淨清秀型

係公園度見到佢同佢家姐玩吹泡泡

姐係肥皂泡呀...佢家姐大佢一年度啦

我行過去望住佢...見佢吹出黎

之後一個一個咁同佢篤爆哂@_@

諗返起都覺得自己好可惡..妹妹仔都唔放過

妹妹仔黎架嘛(咪同我同年- -")

佢叫鄧芷瑩(聽人咁叫佢..有冇聽錯唔知架)

之後佢家姐行埋黎同我講

"唔好蝦我個妹呀"

宜家諗返起..本人都未嘈你嘈咩呢*.*

阻住哂...佢果陣淨係傻傻地咁望住我之嘛

其實佢咩樣我唔記得啦

不過有佢張相囉a"a

畢業禮派左本野..入面有哂畢業生既相@0@

我係"明我幼稚園"出身架xd

果次之後係校車度都不是搵佢搞爛gag

講大話呃女仔...記得有次呃佢話

"鄧芷瑩"係一個甜品既名"燉子凝"姐係燉提子既甜品

諗返起陣咁細個...果年竟然係唯一既記憶

仲當自己係小朋友既記憶

小一開始就已經將自己當左做大人

咩壓力都自己吞...

鬼叫自己果陣個畢業試考得咁好咩

以前細個都一直掛住玩

之後記得阿媽話就小一要溫下書啦

咁之後果兩年就鐘意左溫書啦

果陣細個嘛....考d野易到嘔

果陣我已經識乘數..佢先考個百位數+-

仲記得考試中文默書

海老師同我地默段落

佢話"xxx歡喜xxx...e"轉做喜歡都得喎 一樣姐"

咁就轉左寫喜歡啦...之後大個先知唔同意思- -

所以我好懷疑幼稚園老師既學歷 =0=

英文默書默過rabbit @@

咁就係畢業禮拎左隻寫住成績優異既獎座啦

係e利沙白體育館度搞既

我記得果陣拎左頭幾名返黎2定4

淨係記得係雙數~仲記得比人偷過書添啦

我記得我果陣係我果組既組長

玩完d玩具要我收返埋

老師去左教普通話

叫我收完自己過去佢度

我收緊果陣有個女仔(邵xx)[應該記錯- -]

黎問我有冇普通話書..話幫我拎過去

點知我收好野過去...問佢拎返本書

佢就話本書係佢既= ="

好彩果陣本本書學校都會打個印仔印個學生名既姐xd

不過果陣都已經覺得佢好naugh

不過佢都算醒目架啦

我記得果陣其他同學仲一舊飯咁=.=

我仲記得!4眼仔博士梁頌恩!(佢果陣讀書好叻架)

同佢幾fd...有計傾...不過有次食茶點果陣

比佢嘔到我成身係...

仲要比果d阿姐帶左入去唔知邊度同我沖身

除哂我d衫...之後係個玻璃後面沖我個身= =

玻璃出面仲成班係度係緊野= ="""

果陣唔覺有咩野...宜家諗返起...o my god!比人睇哂

梁頌恩當然有分一齊比人睇啦~!

and then有3個同校車既

唔記得同唔同班啦

果陣電視影4駒車

我仲記得我發明左個4駒車既低能遊戲一齊玩= =

1個男:周啟泰定鄧啟泰..唔記得啦

之後兩個女@@:黃雨欣/李詠樂

我仲記得泰落車先

李詠樂同雨欣係富欣落..我落車前一個站

有次雨欣冇返+泰落車之後

樂拉住我隻手話過左18歲要同我結婚

我果陣對佢有dd好感架..不過佢咁講我記得

我果陣既感覺係呆哂...之後好老實咁講

"過多年你都唔知去左邊啦"

果陣可能日日放完學第2日都會再見

冇意識去留個聯絡方法

+上果陣8個字電話號碼

我20秒就記到...之後好似上到小2先唔記得

果陣都有時打比雨欣同泰傾計

樂屋企好似話唔比佢傾電話

好掛住佢地呀>0<"

不過前幾年見到樂...同佢住得近呀嘛

見到唔出奇...泰就住漁灣

見到佢勁肥=.=""""

細細個果陣佢都好瘦架嘛

淨係記得6個同學+2個老師(miss海同miss夏)

食完個飯唔記得有咩想打啦=-=

掛住睇tv..哈"

睇完溫bio~

pe堂好大風...吹得幾開心

最尾兩堂eng test reading

test完即去左補英文...help~_~

補完返到屋企就即轉8號風

好想去藍灣吹風..

真係好大風呀xd

但係都懶得又出街啦

唉...放學打風..聽日又要返啦

聽日仲要交pa同bio

bio仲要test 添~"~

救命呀~~

零晨1點半,詩搵過我黎

但我已經訓左啦T^T

次次都咁夜先搵我

所以次次都震完我就冇野講

留句言都好嘛

bio...bio...bio...

真無奈...

去到又冇哂位啦

咁點算呢...

再係咁冇地方比我溫書架喎

最後上左2樓求其搵張枱開始溫

真係見鬼勿o咀

fa對面個阿伯真係幾好野

係圖書館度睇風月版睇到上哂身

雖然佢唔止淨係睇風月版

中英/港文兩岸都有睇

不過佢睇風月版果個樣真係好樣衰呀

咀秒秒...眼咪咪咁

好似就黎錫落張報紙咁~"~

.......................................

溫書..bio 1頁最少要查4個字

amaths 同一類數都要用兩算方法計

睇極example都唔明

起碼唔覺阿sir教左

明明d(x^n)/dx=nx^(n-1)架嘛

唔知點解果題計唔到

明明d(x^n)/dx=nx^(n-1)

果題答案要d(x^n)/dx=nx^(n-1)．d(x^n)/dx

咁計落去咪永遠計唔完?

仍然係咁計錯數

抄錯寫錯咩錯都有

以前明明唔會咁...

人老啦...腦筋差左~"~

加油啦加油啦~!!!!

qooza真係執左呀?

成個星期多上唔到啦

e兩日星期6,日都係冇做過功課

最後今日交得切分pa

之後果d都一陣去圖書館先做啦

好熱呀~好累toooooo

今日食飯果陣比阿珍拎左個銀包睇

入面有兩個女仔/人既相

哈...得阿珍認得一個上網見過

當然啦~台灣n線明星黎架嘛""

c子仲膠到以為係我條女a___a

不過另一個就....哈

i miss you,都成個月lu

搵佢唔到,佢又唔搵我

都岩既...係我話要專心讀書

但問心果句...我都唔係太比心機

可能hea同無溫書左太耐

已經唔識點樣有效咁去溫書啦

以前就全hea...宜家就hea住讀咁呢

諗深層我真係幾對佢唔住

用到讀書做理由

但又唔盡力全心全意去讀書

諗多都無用...飲杯野去溫書啦

ps:男人真係要壞,女人先鐘意?

    自從我話要為將來去打算

    要比將來既屋企人有好日子過

    d玩開既女性朋友就好似當左我係陌路人咁

    完全唔似以前對我既態度

    又諗多左啦"專心讀書吧

    鐘意我既女人要一個就夠!*﹏*